ويكليكيس العربية تنفرد بنص شهادة المشير طنطاوي

ويكليكيس العربية تنفرد بنص شهادة المشير طنطاوي

فيما يلي نص شهادة المشير حسين طنطاوي في قضية محاكمة الرئيس المصري السابق محمد حسني مبارك أمس الأول السبت خرقاً لحظر النشر، تنفرد (ويكليكس العربية) بنشرها:

س1: حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده؟
ـ الاجتماع كان برئاسة رئيس الوزراء واعتقد أننه بلغ
س2: بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك؟
ـ ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد الرئيس؟
س3: ما الذي أبداه رئيس الجمهورية في هذه اللقاءءات؟
ـ اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها يتبع
ـ كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة يتبع
ـ القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائد القوات المسلحة - يتبع
ـ أعطي الرئيس الأمر لقائد القوات المسلحة اللي هي نزول القوات المسلحة لتأمين المنشآت الحيوية وهذا ما حدث
س4: هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين بما فيها استخدام الاسلحة الخرطوش والنارية من 25 يناير حتي 28 يناير؟
ـ ليس لدي معلومات عن هذا واعتقد ان هذا لم يحدث
س5: هل ترك رئيس الجمهورية السابق للمتهمين المذكورين من أساليب لمواجهة الموقف؟
ـ ليس لدي معلومات
س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة؟
ـ هذا ما يخص الشرطة وتدريبها ولكني أعلم ان فض المظاهرات بدون استخدام النيران
س7: هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟
ـ ليس لدي معلومات
س8: تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم سيادتك وبم تفسر؟
ـ إنا معنديش معلومات بكده.. الاحتمالات كتير لكن مفيش معلومة عندي
س9: هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين؟
ـ أنا معرفش ايه اللي حصل
س10: هل تستطيع سيادتك تحديد هل كانت هناك عناصر أخري تدخلت؟
ـ هيا معلومات غير مؤكدة بس اعتقد ان هناك عناصر تدخلت
س11: وما هي تلك العناصر؟
ـ ممكن تكون عناصر خارجة عن القانون
س12: هل ورد لمعلومات سيادتك ان هناك عناصر اجنبية قد تدخلت؟
ـ ليس لدي معلومات مؤكدة ولكن ده احتمال موجود
ـ رئيس الجمهورية ممكن يكون أصدر أوامر - طبعا من حقه ولكن كل شئ له تقييده المسبق وكل واحد عارف مهامه
س13: وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر أو تكليفات في كيفية التعامل؟

س14: ولمن يصدر رئيس الجمهورية علي وجه العموم هذه الأوامر؟
ـ التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك
س15: وهل يجب قطعا علي من تلقي أمر تنفيذه مهما كانت العواقب؟
ـ طبعا يتم النقاش والمنفذ يتناقش مع رئيس الجمهورية وإذا كانت الأوامر مصيرية لازم يناقشه
س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين الصادر منه شخصيا؟
س17: وهل تعلم ان رئيس الجمهورية السابق كان علي علم من مصادره بقتل المتظاهرين؟
ـ يسأل في ذلك مساعديه الذين ابلغوه هل هو علي علم أم لا
س18: وهل تعلم سيادتكم ان رئيس الجمهورية السابق قد تدخل بأي صورة كانت لوقف نزيف المصابين؟
ـ أعتقد انه تدخل وأعطي قرار بالتحقيق فيما حدث وعملية القتل وطلب تقرير وهذه معلومات
س19: هل تستطيع علي سبيل القطع والجزم واليقين تحديد مدي مسئولية رئيس الجمهورية السابق عن التداعيات التي أدت إلي إصابة وقتل المتظاهرين؟
ـ هذه مسئولية جهات التحقيق
س20: هل يحق وفقا لخبرة سيادتكم ان يتخذ وزير الداخلية وعلي وجه العموم ما يراه هو منفردا من اجراءات ووسائل وخطط لمواجهة التظاهرات دون العرض علي رئيس الجمهورية؟
ـ اتخاذ الاجراءات تكون مخططة ومعروف لدي الكل في وزارة الداخلية ولكن في جميع الحالات يعطيه خبر بما يخص المظاهرات ولكن التظاهر وفضه هي خطة وتدريب موجود في وزارة الداخلية
س21: وهل اتخذ حبيب العادلي قرار مواجهة التظاهر بما نجم عنه من إصابات ووفيات بمفرده بمساعدة المتهمين الاخرين في الدعوى المنظورة وذلك من منظور ما وصل لعلم سيادتك؟
ـ معنديش علم بذلك
س22: علي فرض إذا ما وصلك تداعيات التظاهرات يوم 28 يناير إلي استخدام قوات الشرطة آليات مثل اطلاق مقذوفات نارية أو استخدام السيارت لدهس المتظاهرين..هل كان أمر استعمالها يصدر من حبيب العادلى يصدر من حبيب العادلى ومساعديه بمفردهم؟
ـ ما أقدرش أحدد اللي حصل أيه ولكن ممكن هو اللى اتخذها وأنا ما أعرفش واللى اتخذها مسئول عنها
س23: هل يصدق القول تحديداً وبما لا يدع مجالاً للشك أو الريبة أن رئيس الجمهورية السابق لا يعلم شيئاً أو معلومات أيا كانت عن تعامل الشرطة بمختلف قواتها أو أنه لم يوجه إلى الأول سمة أوامر أو تعليمات بشأن التعامل والغرض أنه هو الموكل إليه شئون مصر والحفاظ على أمنها؟
ـ أنا ما أعرفش اللى حصل أيه لكن أعتقد إن وزير الداخلية بيبلغ وممكن ما يكونش مش عارف بس أنا ما أعرفش
س24: هل هناك اصابات أو وفيات لضباط الجيش؟
ـ نعم هناك شهداء
س25: هل تعاون وزير الداخلية مع القوات المسلحة لتأمين المظاهرات؟
ـ لأ
س26: هل أبلغت بفقد ذخائر خاصة بالقوات المسلحة؟
ـ مفيش حاجة ضاعت لكن هناك بعض الخسائر في المعدات واتصلحت ومفيش مشكلة
س27: هل أبلغت بدخول عناصر من حماس أو حزب الله عبر الأنفاق أو غيرها لإحداث إضرابات؟
ـ هذا الموضوع لم يحدث أثناء المظاهرات واحنا بنقاوم الموضوع ده واللي بنكتشفه بندمره وإذا كان فيه حد محول لمحكمة فهذا ليس أثناء المظاهرات
س28: هل تم القبض على عناصر أجنبية في ميدان التحرير وتم إحالتهم للنيابة العسكرية؟
ـ لا ..لم يتم القاء القبض على أى أحد
س29: فى الاجتماع الذي تم يوم 20 يناير هل تم اتخاذ قرار بقطع الاتصالات؟
ـ لم يحدث
س30: بعض اللواءات قالوا طلب منا فض المظاهرات بالقوة..هل طلب من القوات المسلحة التدخل لذلك؟
ـ أنا قلت فى كلية الشرطة في تخريج الدفعة إن أنا بأقول للتاريخ إن أي أحد من القوات المسلحة لن يستخدم النيران ضد الشعب

المدعين بالحق المدني هتفوا داخل القاعة بعد انتهاء شهادة المشير في محاكمة مبارك: يسقط يسقط حكم العسكر وبعدها تم رد المحكمة


تعليقات خارجية


1. محمد الشافعي بتاريخ: 9/26/2011
امال انتم كنتوا مستنيين ايه ؟
انتم كنتم مستنيين ان طنطاوي يعترف على حسني ..؟؟ ده انتوا خيالكم واسع قوي .. يا جماعه ده حبيبه و عشرة عمره .. اوعوا تكونوا صدقتوا انه بيحب البلد و الشعب و الجيش ايد واحدة و الكلام الفارغ ده .. ده هيفضل حبيب حسني لغاية ما يموت .. ده سابه وزير دفاع لمدة 25 سنة يا جماعه ما ***قوا و م***تكروش ان الدنيا اتغيرت قوي كده

2. محمد عبده بتاريخ: 9/26/2011
ما بيعرفش حاجه
اتوقع انه المشير كان بغيبوبه ايام الثوره لم يجاوب على اي سؤال 90 % من الأسئله كان يجاوب فيها انه ما بيعرفش و ما عندوش معلومه و ما اعرفش اللي حصل اعتقد و احتمال شهاده لا قيمه لها لو اعتذر و لم يحضر كان احسن له

3. ezzeldin Omar بتاريخ: 9/26/2011
يسقط .... يسقط حكم العسكر
كل ما افهمه ان الأنسان عندما يكبر بل يطعن في السن لابد ان يتقرب الي الله عز وجل ولكني لم استغرب موقف المشير لأنه متوقع ان تكون هذه شهادته ... فمبارك ...... نعمته وصديقه الصدوق ... يعني بالعربي الفصيح كل المجلس العسكري الموجود والحكم لهذه الفترة من المفروض انهم مع مبارك في نفس الزنزانه لآنهم ***ون ومسئولون علي كل ما حدث ويحدث في مصر من دمار وخراب .... حسبنا الله ونعم الوكيل ... الله الله فيك ياطنطاوي ... الله الله فيك يا مجلس ياعسكري .. الله الله فيكم .. اللهم أرنا فيهم آية يارب العالمين بحق ظلمهم وشهادتهم الزور ....

4. مصري طالع روحه .. من اللي حصل بتاريخ: 9/26/2011
منك لله ياطنطاوي ... هتروح من ربنا فين
علي فكرة انا مش زعلان منك ولكني زعلان عليك هتقول ايه يوم الموقف العظيم لما الأرواح اللي ماتت ظلما وعدوانا تتعلق في رقبتك وتطلب من رب العزة حقها منك ... ولا صاحبك انا بصراحة صعبان عليا أوي ... ده حسابه عسير .. والناس مش مسامحاه في اللي حصل لها من ثلاثين سنه ... تعرفوا ان سيدنا عمر اللي ظفر قدمه برقبة مليون زي مبارك وطنطاوي ظل يحاسب في القبر عام كامل ... طب انتم حسابكم هيكون شكله ايه ... حسبنا الله ونعم الوكيل في كل من ظلم ... والله مع كل من اتظلم ... اللهم أرحم شهدائنا يارب العالمين .. وصبر اهلهم ياكريم .

5. ابوعلاء بتاريخ: 9/26/2011
مماطلات المشير
هنا أغير كلمة مماطلات الى كذب المشير في اجاباته على جميع الاسئلة وهذا رأيي

6. محمد السيد بتاريخ: 9/26/2011
إجابة أقصر من السؤال
الملاحظ أن إجابات الطنطاوي دائما كانت أقصر من اسئلتها ، والغريب إنه طلع ما بيعرفش ، هو ايه اللي بيحصل في البلد ... نسي إنه كان مجتمع مع مبارك في غرفة العمليات ، نسي انه نزل الشارع وشاف القتلي والجرحي ، نسي مئات الشهداء ، وآلاف الجرحي .. لك الله يا مصر حسينا الله ونعم الوكيل

7. سمير بتاريخ: 9/26/2011
فرنسا
يعني هو وزير دفاع كده وبس الظاهر انه مش عارف حاجة . عارفين ليه ؟ لانه ورا كل الي حصل وبس

8. Saedzahr بتاريخ: 9/26/2011
الصمت افضل
الصمت افضل من شهادة لا ***يد ولا تقدم ولا تؤخر يقول المولى وقفوهم انهم مسئولون ويقول سبحانه مايلفظ من قول الا لديه رقيب عتيد الله المستعان سيادة الرئيس جوع وقتل شعب مسئول عنهم امام الله وحتضن المليارات ماذا يعمل بها الان ؟؟؟؟؟

9. Abo Zib Kebeer بتاريخ: 9/26/2011
مسلسل عزام عزام عفوا ..... مبارك طنطاوى
صدقونى ............................. بعد 10 سنوات من الأن سيصدر الموساد الأسرئيلى كتاب أو مسلسل عن عملائه فى مصر والشرق الأوسط تحت عنوان منخارك ططاوى تمويه للأسماء الحقيقيين وسلملى على سوزى بتاعة ***ر للجميع

10. tito_star315 بتاريخ: 9/26/2011
منعيش علم
احسن حاجه الواحد يقوليها حسبى الله ونعم الوكيل فى كل ظالم وفى كل شخص لم يبدى شهادة الحق وليعرف ان الدنيا فانيه والله هو الباقى .

11. ألوو ميين بتاريخ: 9/26/2011
هو فيه اية
دة انتوا قاتلين ناهبين شاربين قاتلين مع بعض ...جرا اية يا لمبي

12. محمد عبد الحميد بتاريخ: 9/26/2011
ده شهاده أمام الله والشعب والتاريخ
كيف تنتظروا أن يقول الرجل أشياء لمجرد السماع عنها، مسؤولية الشهاده رهيبه ويجب عليه أن يقول فقط ما رأه وما هو على يقين منه. أنا إحترمت المشير في هذا الموقف

13. دمعة الم بتاريخ: 9/26/2011
ولله في خلقه شؤون
كلمة اعتقد قمة اليقين وليس المقصود بها الشك

14. خالد بتاريخ: 9/26/2011
فبركة
يا أ***ة دي م***بركة

15. مروان مغربي بتاريخ: 9/26/2011
مش عارفين ايه الحكايه
ده صاحبه لااكثر من عشرين سنه تتوقعو يقول ايه يسقط .......يسقط المجلس العسكري

16. جودة بتاريخ: 9/26/2011
شاهد مشفش حاجة
من الآخر شاهد مشفش حاجة ويقول أنا كنت نايم فى البيت وخلاص أو كنت فى السنما أو كنت عند الواد شعبان ابن الحاج رجب إللى عمه الشيخ رمضان وريحنا ايه ياعم المشير امال انتى كنت فين

17. نهلة محمد بتاريخ: 9/26/2011
الحق فين
الواحد مش قادر يحكم خالص عالاجابات دي لان مش ضامنة مدي صحتها ولكن لوفرض انها كده فعلا المشير كان في غيبوبة وهل الصداقة والولاء لها يمنع شهادة الحق طب والضمير والخوف من شهادة الزوروفي السن ده ودم الشهداء وفرحة التغير واثورة ووووووو يارب مايكون كده كفاية صدمات فرموز الدول والقضاه وكله اكاد اشك في نفسي

18. sultan بتاريخ: 9/26/2011
شاهد ما شفش حاجه
يا طنطاوي انت خليت ايه لعادل امام؟؟

19. سمير بتاريخ: 9/26/2011
شاهد مشافش
لما هو مايعرفش اى حاجه يبقى اى واحد كان موجود فى الميدان يعرف اكتر منه عن مصر وحكام مصر وشعب مصر ويستاهل يبقى مشير ونخلى المشير يمثل مع عادل امام فى شاهد ماشافش حاجه !

20. محمد فرحات بتاريخ: 9/26/2011
ـ ليس لدي معلومات
يمهل ولا يهمل

21. Khalidkhalili بتاريخ: 9/26/2011
إن لم تستح فإصنع ما شئت
لو أن طفلا صغيرا سئل بموضوع عرفه أم لم يعرفه، سيستحي من أن يقول لا أعرف أكثر من مرّة، فما بالك إذا كان هذا الشخص على درجة عالية من العلم، و قد تسلّم زمام أمّة، ثم يقف أمامها كالطفل الصغير الخائف الجاهل الغير مقدّر للعواقب ليقول بما يجب أن يعرف ... لا أعرف!!!

22. تركيه الخضرى بتاريخ: 9/26/2011
حقا انت داهية ايها المشير
جزاك الله خيرا سيادة المشير على هذه الشهادة التى تتسلم بقمة ال***اء والدبلوماسية والتحفظ وندعو الله ان تكون صادق بقدر ***ائك وتحفظك

23. د مرفت بتاريخ: 9/26/2011
اياكو الظن السيئ انما يحيقالمكر السيئ بأهله
ياشباب احذرو من الفتنة والظن السىء والله لو الراجل صادق سيظهر صدقه ولو كان الع*** سيظهرويكشف كما كشف الله غيره وفضح فى عقر داره اتركو الامر لله يعلم مافى الانفس وما تخفى الصدور وتعالو نبتهل لله ان ينجينا من كل سوء ويحفظ لنا وطننا غاليا وان يكون الوطن الذى تحفظ فيه كرامتى وفيه معاشى

24. نبيل بتاريخ: 9/26/2011
طنطاوى راجل اعتقد انه يعرف ربنا
بجد انا مش مصدق الكلام ده وممكن تكون غير مطابقة للحقيقة الله اعلم

25. مصري مغترب بتاريخ: 9/26/2011
ربنا يسترها
واللهي يا جماعه انا ما عندي اي شك في صدق وصراحت المشير طنطاوي وقد يكون من الممكن ان مبارك وجمال واعونه جنبوا وبعدوا طنطاوي عن الصورة اثناء المظاهرات خوفاً منه انه يسطوا علي السلطة عشان كده ممكن يكون فعلا معندوش اي معلومات عن اي حاجة

26. د.عبدالحليم موسى بتاريخ: 9/26/2011
اجابات وبس
الاجابات كلها "ماعرفش"،وكمان قصيرة،وين القاضي ولا هو معاه.حاميها ...

27. احمد الفوال بتاريخ: 9/26/2011
عليه العوض
امال مين اللي يعرف انا اللي قاعد في البيت ولا ولادي اللي في ابتدائي مين بس يارب

28. taigrman بتاريخ: 9/26/2011
فى علم الغيب
اولا نحن مش متاكدين انه ده نص الشهادة فعلا ثانيا لو ده نص الشهادة الحقيقى ممكن يكون فعلا دى المعلومات اللى هو يعرفهاممكن يكون مبارك اصدر اوامر للعادلى فقط بدون علم احد اخر ممكن يكون ماصدر اوامر خالص بس اللى ان عايز اقوله ان فى حاجات كتير احنا بشوفها فى الاعلام بكل انواعه ومفيش حاجه واحدة اكيدة وملموسه نقدر نكون متاكدين منها فيجب علينا الصبر لنرى ماذا سيكون حكم القضاء الذى نثق فيه وهو اخر شئ فى البلد اذا ضاعت ثقتنا فيه لم يتبقى لنا مانثق فيه

29. مصرى شاكى إلى الله بتاريخ: 9/26/2011
إعدموا الشعب وريحوا نفسكم
بكده يبقى مبارك له الحق يرفع قضية رد شرف على الشعب ويكون الحكم إعدام الشعب المصرى فى ميدان التحرير أمام آل مبارك وأعوانه (حسبى الله ونعم الوكيل لا إله إلا هو عليه توكلنا وهو رب العرش العظيم)

30. rasha mostafa بتاريخ: 9/27/2011
egypt
يا جماعة نقف لحظة نفتكر! هو فين فرعون وهو من قال أنا ربكم الأعلى...كل شيء وله نهاية ولسة القانون بياخد مجراه..وعقبال ما ناخد حق وباطل في الناس دي نكون إن شاء الله في مقابلة مع شهدائنا في الجنة في اجتماع سري والناس دي مش معانا سعتها نخلص منهم ومن شرورهم...لأ بجد صدق الله إذ قال "وكل إنسان ألزمناه طائره في عنقه ونخرج له يوم القيامة كتابا يلقاه منشورا إقرأ كتابك كفى بنفسك اليوم عليك حسيبا"...أما النهاردة فما علينا إلا الإنتظار لما سوف يظهره الله عزوجل وسيكون الخير إن شاء الله..لك الله يا مصر.

31. خالد ذكرى بتاريخ: 9/27/2011
لااعتراض على الشهادة
على افتراض أن هذه هى شهادة الفريق طنطاوى، فليس من حق أحد أن يلومه أو أن يشكك فى أمانته...فهذه مسؤوليته أمام الله....وأنا شخصيا لاأجد شيئا غريبا فيما قال، لأن طبيعة عمل القوات المسلحة غير طبيعة عمل الشرطة

32. بحب مصر بتاريخ: 9/27/2011
حسبى الله ونعم الوكيل
اقسم بالله العظيم ان دى تمسيليه محبوكه من يوم وصول مبارك من شرم الشيخ وكنت عارف ان ده هيكون الرد يارب يارب دم الغلابه يتعلق فى رقبتك يوم الدين يا ظالم

33. amr بتاريخ: 9/27/2011
و بعدين ؟
ايه يا أخوانا الحكاية فيها براءة ولا أيه لا ده أحنا بيتلعب بينا ولا بيتمثل علينا الدنيا مقلوبه على واحده ... مع واحد .... طيب و ولاد الناس دول راحوا كده حسبى الله و نعمه الوكيل ياريت كمان كنا عرفنا سى عيسوى قال ايه ما بيقوللك مفيش قناصه دول منين من كارفور و مفيش موقعة جمل فى موقعة عين الجمل و كل ثورة و انتم بخير .

34. مصرى بكل فخر بتاريخ: 9/27/2011
حسبى الله ونعم الوكيل
طلعوا المخلوع انتو ليه حابسينه ظهرت وبانت برائته قالها الباشا في شهادته ... ... كلنا كنا تاهمينه وظالمينه محدش اتقتل أو مات مافيش دليل إثبات محدش تم تكفينه ما فيش ضرب نار مافيش ثورة ولا ثوار دا كان فرح للشعب والشرطة كانت مشاركينه ما فيش رصاصات مافيش اصابات ما فيش حد خاطفينه طلعوا الباشا وأحبابه عرفنا الحكم وأسبابه ما فيش حاجه بتدينه شهود زي العسل ما شافوش اللي حصل واجب وحافظينه مبارك ماأمرش حد عجين وخابزينه ما شافوش وما عرفوش دا سر ودافنينه دا فلم قديم حمضان زي فوازير رمضان والحل الكل عارفينه طلعوا المخلوع والأنطاع كفايه شبعنا خداع يغور الكدب وسنينه طلعوهم واحبسونا موتونا وادهسونا تمنا رخيص بخيس ويا ريتكم دافعينه رجعوا المخلوع واخلعونا علي قفانا واصفعونا طول عمركم بتخدعونا مكتوب علينا وشايفينه متأسفين واقبلوا أسفنا معلش اتحملوا قرفنا أسفين لابليس وشياطينه

35. مغترب مصرى بالسعوديه بتاريخ: 9/27/2011
شاهد ماشفش حاجه
طبعا السيد المشير بيتبع اسلوب سلملى على المترو والمصريين عارفين يعنى ايه سلملى على المترو يعنى اتبع نظام شفت البطه شفت القطه نيو وكذلك متبع لنظام محمد وقع منى وسايق الهبل على الشيطنه وهو عارف ولو مش عارف يقدر يعرف القرد مخبى ابنه فين !!!!! دا قائد الجيش المصرررررررى عارفين يعنى ايه الجيش المصرى لكن كله بمزاجوا ويالا مشى حالك يابلد وعاشت مصر حره مستقله وهيفضل الشعب والجيش ايد واحده وسلمولى علامترو

36. محمد بتاريخ: 9/27/2011
وانكشف المستور
والله الشهادة دي جت في وقتها كده هو ودي نفسه في ستين داهية اولا طلع كذاب بدرجة امتياز وبعدين هايطلع كذاب بدرجة دكتوراه لما يخلي الجيش في الايام القادمة تضرب الشعب وهو مانفاه في الشهادة و بعدين اللعب اصبح علي المكشوف وعرفنا ان النظام كله وليس حسني مبارك هو المسؤول ككل عن كل جرائم القتل وان الصدام لابد وان يتم مع المجلس العسكري ولانريد ان يسلمنا السلطة بل ننتزعها منه بالقوة الخشنة والناعمة ومن الان نحن اصلا مش محتاجين جيش كان عمل ايه الجيش في 1948 او 1956 او 1967 او و***ة 1973 عندما وصلت القوات الاسرائيلة لمشارف القاهرة . الجيش لايؤمن لمصر اي امن بدليل ان اسرائيل يعبث في منابع النيل والجيش واقف زي خيبتها بي***رج هو مثل جيش صدام حسين سينتهي في ساعة واحدة لان تسليحه بالكامل من عدونا نحن لن ننتصر الا بحرب العصابات والمقاومة الشعبية والانسان المصري لابد ان تقدس دماؤوه اكثر من الارض لان الارض خلقت للانسان ولم يخلق الانسان للارض فدماء شهداؤنا اهم عندنا من كل تراب ارض مصر ولن نستعبد مرة اخري بشعارات ارضنا المقدسة وترابها وكله من العبارات التي هي استعباد كامل للمواطن المصري. دماؤنا هي الخط الاحمر الوحيد في هذا الوطن وكله بعد ذلك يهون وقف رسول الله صلي الله عليه وسلم يعلمنا ذلك عندما قال للكعبة مااعظم حرمتك عند الله ولكن حرمة المسلم اعظم منك وانه اهون عند الله ان تنتزع الكعبة حجر حجر من ان تنتهك حرمة المسلم . وعلمنا الصحابة انهم خرجوا ليخرجوا العباد من عبادة العباد لعبادة (ارض حجر مال اصنام رؤساء وطن ) رب العباد ومن ظلم الاديان لعدل الاسلام

37. احمد من الإمارات بتاريخ: 9/27/2011
مش عارف والله
والله انا ما عارف أقول اية لكن دة حلف يمين أمام الله وهو المسئول عن اليمين خلاص بقى يبقى كدة نشوف حال البلد وبلاش إفتراء على الناس وحسبنا الله ونعم الوكيل فى كل خائن سواء من العهد البائد أو العهد الجديد

38. محمد محمد عبد الحى العالم بتاريخ: 9/27/2011
الصبر الجميل
الصبر ضياء كما قال خاتم الانبياء صلى الله عليه وسلم فصبر جميل والظلم عنوان الخراب وهنيئا لكل مظلوم له الا جر عندالله

39. محمد بتاريخ: 9/27/2011
نقش
هل يصلح العطر مافسده الدهر

40. وديع جرجس بتاريخ: 9/27/2011
يحيا العد يحيا العدل
على الرغم من إختلافي الشديد مع الرئيس السابق السيد المحترم حسني مبارك، إلا انني أصدق السيد المسير وأدعو الله الى إظهار الحق وكل الحق ليأخذ كل من أخطأ حسابا فقط عن خطأه ولا يتحمل أوزار الأخرين التي هي مكرهةٌ أمام الله

41. واحد من الناس بتاريخ: 9/27/2011
***ون
***ا

42. د. عبدالله حسين بتاريخ: 9/27/2011
ولي نعمته ... ويرد له الجميل !!!!!
حسبنا الله ونعم الوكيل .. المشير استخدم التورية المحرمة شرعا ، ولكن أدعوا الله أن يعود الي رشده وينحاز الي الشعب ويرضي ربه. وأقول له مابقي من العمر ليس بأكثر مما فات ، بل قليل جدا .فعد الي الحق واشهد بالحق خوفا من الله الحق الذي لا يغفل ولا ينام.

43. احمد حافظ بتاريخ: 9/27/2011
الموساد و عملائه بمصر والعالم العربى
ا***رج "مادا قال الصهاينه عن مبارك و مصر " وغدا ستصدر اسرائيل كتبا عن حكام عرب كانوا خير عون لها و سيفوز مبارك بنصيب الأسد من تلك الثنايا و العرفان بالجميل وغدا لناظره قريب مثلما حدث اثناء حكم رؤساء لبنان ...... ابقوا قابلونى لما طنطاوى اول واحد يرشح نفسه لأنتخابات الرياسه واهو كان ى ميدان التحرير اول امبارح و قصر النيل و القصرالعينى .و دى شهادته مردودة عليه ان شاء الله اوعوا حد ينتخبه

44. احمد حافظ بتاريخ: 9/27/2011
اسرائيل هتسحقنا قريبا .......و الدليل
اولا : الجيش مفيش فيه طائرة و احده تصلح للحرب كلها طائرات غير مجهزة و ما عندناش التسليح بتاعها (لأنها منحه من امريكا) ثانيا : الجيش منهوك القوى فى اصلاحات داخليه مش بتاعته بيرمم كنيسه امبابه و الهرم ثالثا: ان معظم اللى فى السلطة عملاء و الله ومحجمين عصام شرف فى الشغل بتاعه علاقات خارجيه و بس . رابعا : الأسلحه كلها من 1973 متهالكه و المصنع الحرى عليه العوض مفيش رصاصه بتتصنع فى مصر و الدعم اسلحه متهالكه جايه من امريكا و عيشين على شحاته الأسلحه. خامسا: العدو الأمريكى هو اللى مسلحنا وعارف كويس اوى ايه امكانياتنا و بالتالى اسرتيل عارفه و هى عندا اسلحة متطورة حتى اقصى درجه "دمار شامل" اخيرا منهم لله العملاء المصريين لحساب اسرائيل و الغرب

45. ابو اسعد بتاريخ: 9/27/2011
الله المطلع على القلوب
رجل فى مثل سنه و هوالآن يحكم لن يخاف من احد .................فلا احد سيقف معه بين يدى الله فلماذا يحكم البشر الخطائون على غيرهم...... علما انه لو شهد ضد مبارك لوجد صدى عند من هم ضد مبارك. فلماذا نكذب و نخون كل من قال كلام لا ي***ق مع اهواء البعض.............ز و فى النهايه لا يعلم الحق و لا الغيب إلا الله.......اللهم ما انر بصيرة كل ضال

46. هشام بتاريخ: 9/27/2011
فى حاجه ماحدش اخد باله منها
فى حاجه يا جماعه فى الشهادة المزعومه ماحدش خد باله منها ان رئيس المحكمه استخدم لفظ سعادتك وهو بيسأل المشير فى كتير من الاسئلهمثل السؤال رقم 6 و8 و10و12و18و20و21 وفى السؤال رقم 20 استخدم لفظ سعادتكم لل***خيم اعتقد ان الكلام ده يخلينا نشك ان دى الشهادة الحقيقيه لان مافيش رئيس محكمه بيسال شاهد ويقول له سعادتك والا انتوا اه رايكم

47. ابو حبيبة بتاريخ: 9/27/2011
مااعرفش
لو الراجل ده هى دى شهادته الحقيقيه وهو ما يعرفش حاجه طيب اه اللى جابه يشهد وياترى هو مايعرفش حاجه عن الجيش اللى هو القائد الاعلى بتاعه طيب ممكن يسيب مكانه لحد يكون بيعرف

48. مفقووووووووووع بتاريخ: 9/27/2011
حول ولاقوة الا بالله
يا جماعه انا قلتها الف مره طنطاوي ما يقلش كدب وفساد عن حسني كفايه انه وزير من ايام حرب الخليج سنة 90 يعني من اكتر من 20 سنه وبعدين اصلا الاسئلة ***ة ومش قاطعة زي اللي بيعطيه الفرصة انه ما يقولش حاجه مفيدة و مفروض ان كل اجتماع بيكون له محضر وسجل كامل راح فين ولو مش موجود اصلا يعتبر اهمال متعمد للتعمية ما اقولش في الاخر غير فووووووووووضت امري لله ونتقابل في الاخرة ان شاء الله

49. ااااااااااااااااااااااخخ بتاريخ: 9/27/2011
يسسقط الشعب يسقط يسقط يسقط ويحيا المخلووووووووع
احنا اسسسسسسسسسسسسسفين يا مخلوووووع شعب واااااااطي خانه العيش والتراب اقصد الملح والننننننننبي ترجع تحكمنا اصلا مفيش فايدة والله ما فيه فايدة زيد زي عبييييييد مبارك= طنطاوي+احمد رفعت+اسماء كتيرررررر اااااااااااااااااااااااااااااااااااااااه بالقووووووي

50. فرااااس بتاريخ: 9/27/2011
حسبنا الله ونعم الوكيل
لا نقول الا حسبنا الله ونعم الوكيل واللهم يرحم شهداء المسلمين ااااامين

51. حسن بتاريخ: 9/27/2011
اموت فداء لمبارك
اموت فداء لاعظم رجل فى مصر مبارك والله الغوعاء بعدك لهم ......

52. وليد بتاريخ: 9/27/2011
الصراحه راحه
الصراحه راحه ياعيني والمشير مبيعرفش الصراحه راحه ياعيني والمشير مبيقدرش